Өчигдөр хоёр автомашин шатжээ. Тодруулбал, Хан-Уул дүүргийн наймдугаар хорооны Задгайд суудлын автомашин шатаж байна гэсэн дуудлага өчигдөр 22:32 цагт Онцгой байдлын газарт иржээ. Дуудлагын дагуу Хан-Уул дүүргийн Онцгой байдлын хэлтсийн Гал түймэр унтраах, аврах 30 дугаар ангийн алба хаагчид долоон км зам туулан очиход иргэн Б-ын “Сонота-6” загварын суудлын автомашин шатаж байсныг 10 минут ажиллаж унтраасан байна.

Мөн Завхан аймгийн Тэс сумын Зүр багийн нэгдүгээр гудамжинд автомашин шатаж байна гэсэн дуудлага мөн бүртгэгджээ.  Дуудлагын дагуу Завхан аймгийн Онцгой байдлын газрын Тэс сум дахь Гал түймэр унтраах, аврах 57 дугаар ангийн алба хаагчид 400 метр зам туулан очиход иргэн С-ийн “Пажеро” загварын автомашин шатаж байсныг есөн минут ажиллаж, унтраасан талаар Онцгой байдлын ерөнхий газраас мэдээллээ.