Нийслэлийн Сүхбаатар дүүргийн VII хороо, дулаан дамжуулах шугамын худагт өчигдөр хүн нас барсан байдалтай олджээ.

Цагдаагийн байгууллагаас уг хэргийг мөрдөн, шалгаж байгаа бөгөөд нас барсан эцсийн шалтгаан шүүх эмнэлгийн задлан шинжилгээний дараа тодорхой болох юм

Тус дүүргийн Цагдаагийн нэгдүгээр хэлтсээс 15:05 цагт ОБЕГ-т цогцсыг гаргах хүсэлт тавьсан байна. Улмаар Нийслэлийн аврах анги 105 дугаар ангийн алба хаагчид 15:18 цагт очиж, гурван метрийн гүнтэй дулаан дамжуулах шугамын 663 дугаар худгаас Баянзүрх дүүргийн харъяат, 63 настай, эрэгтэйг П-г гарган авчээ. Цагдаагийн байгууллагаас уг хэргийг мөрдөн, шалгаж байгаа бөгөөд нас барсан эцсийн шалтгаан шүүх эмнэлгийн задлан шинжилгээний дараа тодорхой болох юм. Задлан шинжилгээний хариу 21 хоногийн дараа гарна.