“Норд бенз” загварын ачааны автомашин шатжээ. Тодруулбал, Дорноговь аймгийн Замын-Үүд сумын Еншөөв багийн Баянхошуу гэдэг газарт “Ачааны автомашин шатаж байна” гэсэн дуудлага хоёрдугаар сарын 9-ний 19:17 цагт Онцгой байдлын газарт иржээ. Дуудлагын дагуу тус аймгийн Онцгой байдлын газрын Замын-Үүд сум дахь Онцгой байдлын хэлтсийн Гал түймэр унтраах, аврах 17 дугаар ангийн алба хаагчид 65 км зам туулан 19:45 цагт очжээ. Ингэхэд Замын-Үүд сумаас Улаанбаатар хотын чиглэлд бэлэн гоймон ачин зорчиж явсан иргэн Г-ын “Норд бенз” загварын ачааны автомашин шатаж байсан байна. Алба хаагчид  хоёр цаг гаруйн хугацаанд ажиллаж, галыг унтраажээ.