Цагдаагийн байгууллагын 102 дугаарт өчигдөр 1570 гомдол, мэдээлэл иржээ. Үүнээс зөрчлийн дуудлага 1346 байсан бол гэр бүлийн хүчирхийллийн дуудлага 120 байсан аж. 214 хүн эрүүлжүүлэгдэж, архидан согтуурахтай тэмцэх тухай хуулийг зөрчсөн 60 тохиолдол гарчээ. Мөн хулгайлах гэмт хэрэг 17, гэмт хэргийн шинжтэй 70 үйлдэл бүртгэгдсэн байна. Согтуугаар автомашин жолоодсон 54, хүний биед халдсан 41, олон нийтийн газар зүй бусаар биеэ авч явсан, танхайрсан 113, оршин суугчдын амгалан тайван байдал алдагдуулсан 88 тохиолдол өнгөрсөн 24 цагийн хугацаанд цагдаагийн байгууллагад бүртгэгджээ.