Талийгаач залуугийн гэрийг хамгаалалтад аваад байгаа нь... 2021. 02.08 15:55

-Э.Энхтөгс CD худалдаалдаг байсан гэнэ-

Сүхбаатарын талбай дээр 34 настай эрэгтэй өөр дээрээ шатахуун асгаж, харамсалтайгаар амиа алдсан хэрэг өнөөдөр буюу хоёрдугаар сарын 8-ны 13:32 цагийн үед гарсан талаар бид мэдээлсэн. Талийгаач 1987 онд Улаанбаатар хотод төрсөн, Э.Энхтөгс гэдэг хүн байсан бөгөөд Чингэлтэй дүүргийн 12 дугаар хороонд аав болон дүүгийн хамт амьдардаг байсан гэх мэдээлэл бий.

Тэгвэл цагдаа, тагнуулын байгууллагаас түүний амьдарч байсан Чингэлтэй дүүрэгт байрлах гэрт нь очиж, хамгаалалтад авчээ. Тодруулбал, гэрт нь нэгжлэг хийж, ар гэрийнхнээс нь залуу юунаас болж амиа егүүтгэсэн, өглөө гэрээсээ гарахдаа юу гэж ярьсан болохыг тодруулж, гэрчийн мэдүүлэг авч байгаа гэх мэдээлэл байна.  Өөр эх сурвалжийн мэдээллээр талийгаач CD худалдаалдаг байсан гэнэ.