Арван давхрын цонхоор хүн унаж, хүнд  бэртжээ. Тодруулбал, Баянгол дүүргийн 16 дугаар хорооны нутаг дэвсгэрт байрлах 36 дугаар байрны арван давхрын цонхоор хүн унасан тухай дуудлага өчигдөр 22:24 цагт Онцгой байдлын газарт иржээ. Дуудлагын дагуу Нийслэлийн Аврах анги-105-ын алба хаагчид гурван км зам туулан 22:30 цагт очиход тус байрны иргэн 23 настай, эмэгтэй Д гэрийнхээ цонхоор унасан байжээ. Иргэн Д арван давхрын цонхоор үсэрч, зургаан давхрын өргөтгөлийн хэсгийн дээвэр дээр унасан байсныг аврагчид гаргаж, нийслэлийн Яаралдтай түргэн тусламжийн төвд шилжүүлэн өгсөн байна.