Хоёр настай эмэгтэй хүүхэд галд өртөж, амиа алджээ. Тодруулбал, Өвөрхангай аймгийн Уянга сумын Бадрал багийн Чандагтай гэдэг газар малчин Ш-ийн таван ханатай гэр шатаж байна гэсэн дуудлага тус аймгийн Онцгой байдлын газарт иржээ. Дуудлагын дагуу аймгийн Онцгой байдлын газар, цагдаагийн алба хаагчид, Уянга сумын Засаг даргаар ахлуулсан иргэд мөн өдрийн 12:20 цагт очсон байна.

Хэргийн газарт очиход малчин Ш-ийн таван ханатай гэр, “Приус-20” загварын суудлын автомашин шатсан байжээ. Мөн гал түймэрт хоёр настай, эмэгтэй хүүхэд өртөж нас барсан харамсалтай хэрэг гарчээ.