БЗД-ийн IV хорооны нутаг дэвсгэрт байрлах орон сууцанд гал гарч байна гэх дуудлагын дагуу албаныхан очиж ажиллах үеэр 23 настай эмэгтэйн цогцос олджээ. Тодруулбал, галын дуудлага энэ сарын 21 буюу өнгөрсөн пүрэв гарагийн орой 21:53 цагт бүртгэгдсэн. Хэргийн газарт очиход талийгаач эмэгтэй гэмтэл, бэртэл авч, гаднын нөлөөтэй нас барсан байж болзошгүй байдалтай олдсон аж.

Шүүх эмнэлгийн задлан шинжилгээний дүгнэлт 21 хоногийн дараа гардаг учир тэр үед гаднын нөлөөтэй нас барсан эсэхийг тодорхойлно. Одоогоор нөхөр нь амь насыг нь хөнөөсөн гэх мэдээлэл алга гэв

Түүнчлэн талийгаачийн хажууд ой нэг сартай хүүхэд байсан бөгөөд хөрш айлын иргэн гал гарч байгааг мэдсэнээр хүүхдийн амь насыг аварсан байна. Уг хүн амины хэрэгт талийгаач эмэгтэйн нөхөр болох 30 настай эрэгтэйг сэжигтнээр татан БЗД-ийн Цагдаагийн III хэлтэст шалгаж байгаа аж. Харин хүүхдийг улсын асрамжид өгсөн гэх мэдээлэл гараад байгаа.

Энэ талаар ЦЕГ-ын Хэвлэл мэдээллийн төвийн дарга, дэд хурандаа Б.Баатархүүгээс тодруулахад “Баянзүрх дүүргийн IV хорооны нутаг дэвсгэрт оршин суудаг 23 настай эмэгтэй нас барсан хэрэг гарсан. 21:53 цагийн үед гал гарч байна гэсэн дуудлага бүртгэгдсэн. Задлан шинжилгээний дүгнэлт 21 хоногийн дараа гардаг учир тэр үед гаднын нөлөөтэй нас барсан эсэхийг тодорхойлно. Одоогоор нөхөр нь амь насыг нь хөнөөсөн гэх мэдээлэл алга байна” гэв.