Улсын хилээр нэвтрүүлэхийг хязгаарласан 37 нэр төрлийн эд зүйлийг хууль бусаар хил нэвтрүүлэх гэж байсан зөрчил илэрчээ. Тодруулбал, гамшгаас хамгаалах өндөржүүлсэн бэлэн байдлын зэрэгт шилжүүлж, тусгай горимоор ажиллаж байгаа энэ үед хилийн Баянхошуу автозамын шалган нэвтрүүлэх боомтоор улсын хилээр нэвтрүүлэхийг хязгаарласан 37 нэр төрлийн эд зүйл нэвтрүүлэхийг завджээ. Ингэхдээ газрын тосны автомашинд нуун хууль бусаар хил нэвтрүүлэхийг завдсан байна. Эл үйлдлийг хилчид илрүүлж, холбогдох байгууллагад шалгуулахаар шилжүүлжээ.