Цагдаагийн байгууллагын 102 дугаарт өчигдөр нийт 1633 гомдол, мэдээлэл иржээ. Үүнээс зөрчлийн дуудлага 1450 байсан бол гэр бүлийн хүчирхийллийн дуудлага 138 байсан аж. Мөн хулгайлах гэмт хэрэг 10, гэмт хэргийн шинжтэй 61 үйлдэл бүртгэгджээ. Харин согтуугаар тээврийн хэрэгсэл жолоодсон 60, олон нийтийн газар зүй бусаар биеэ авч явсан, танхайрсан 155, хүний биед халдсан 60, оршин суугчдын амгалан тайван байдал алдагдуулсан 96 тохиолдол  өнгөрсөн 24 цагийн хугацаанд цагдаагийн байгууллагад бүртгэгдсэн байна. Мөн 261 хүн эрүүлжүүлэгдэж, архидан согтуурахтай тэмцэх тухай хуулийг зөрчсөн 134 тохиолдол гарчээ.