ЦЕГ-ын 102 дугаарын утсанд өчигдөр 1613 дуудлага бүртгэгджээ. Тодруулбал, нийт дуудлагын 1418 нь зөрчлийнх, 57 нь гэмт хэргийн шинжтэй байсан аж. Мөн гэр бүлийн хүчирхийллийн 148 дуудлага ирсэн бол хулгайлах төрлийн есөн дуудлага бүртгэгдсэн байна. Түүнчлэн 231 хүн эрүүлжүүлэгдэж, 54 хүн согтуугаар тээврийн хэрэгсэл жолоодсон зөрчил гаргажээ. Үүнээс гадна олон нийтийн газарт биеэ авч явах, танхайрах 147, оршин суугчдын амгалан тайван байдал алдагдуулсан 107, хүний биед халдах 45 дуудлага ирсэн байна.