Нэгдүгээр сарын 18-19-нд шилжих шөнө архидан согтуурсан үедээ бусдын амийг хохироосон хоёр ч хэрэг бүртгэгджээ. Мөн архи, согтууруулах ундааны зүйл хэтрүүлэн хэрэглэсэн зургаан хүн амиа алдсан аж. Ингэснээр 24 цагийн хугацаанд архи, согтууруулах ундаанаас болж найман хүн нас барсан байна.

Энэ талаар ЦЕГ-ын Хэвлэл, мэдээллийн төвөөс тодруулахад “Өнгөрсөн шөнө Сонгинохайрхан дүүрэг дэх Цагдаагийн газрын нэгдүгээр хэлтсийн эрүүлжүүлэх байранд хүн нас барсан тухай мэдээлэл бүртгэгдсэн. Талийгаач нь архи, согтууруулах ундааны зүйл хэтрүүлсэн үедээ эрүүлжүүлэх байранд хүргэгдэж ирээд, нас барсан байна” гэлээ. Талийгаач нь Сонгинохайрхан дүүргийн харьяат 51 настай, эрэгтэй байжээ.