• Өнөөдөр 2024-03-28

Архидан, согтуурсан үедээ тээврийн хэрэгсэл жолоодож, нэг иргэн амиа алджээ

2020-12-16,   413

Хөвсгөл аймгийн Рэнчинлхүмбэ суманд энэ сарын 13-нд Kia Bongo маркийн автомашин онхолдож, зорчигч 28 настай эмэгтэй нас барсан харамсалтай хэрэг гарчээ.

Энэ талаар Тээврийн цагдаагийн албанаас тодруулахад “Хөвсгөл аймгийн Рэнчинлхүмбэ сумын VI баг “Цагаан булаг” гэх газар сумын төвөөс урагш шороон замд хувийн эзэмшлийн Kia Bongo маркийн автомашин онхолдож, 28 настай эмэгтэй Н амиа алдсан. Жолооч нь архи, согтууруулах ундаа хэрэглэсэн үедээ тээврийн хэрэгсэл жолоодсон бөгөөд хоёр иргэн зорчиж явсан" гэв. Мөн нас барсан эмэгтэйн талаар Ренчинлхүмбэ сумын ЕБС-ийн багш гэх мэдээлэл гараад байгаа бөгөөд энэ тухайд Тээврийн цагдаагийн албанаас "Хувийн байдлын тухай буюу нас барсан эмэгтэй тус сумын ЕБС-ийн багш гэсэн мэдээлэл манайд ирээгүй” гэв. Одоогоор уг осол Хөвсгөл аймгийн Цагдаагийн газарт шалгагдаж байна. 

 


Архидан, согтуурсан үедээ тээврийн хэрэгсэл жолоодож, нэг иргэн амиа алджээ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188