Цагдаагийн байгууллагад өчигдөр буюу гуравдугаар сарын 8-нд “Гэмтлийн эмнэлэгт бага насны хүүхэд биедээ ил харагдах гэмтэлтэй, ухаангүй байдалтай ирсэн” гэх дуудлага ГССҮТ-өөс иржээ. Дуудлагын дагуу цагдаагийн алба хаагчид шалгалтын ажиллагаа явуулж, эмнэлэгт ухаангүй хүрсэн хүүг гурван настай Б болохыг тогтоосон байна.

                          Шалгалтын явцад гурван настай Б-н төрсөн ээж Л болон түүний хамтран амьдрагч Э хүүг эмнэлгийн байгууллагад хүргэсэн бөгөөд хүүг эмнэлэгт хүргэснийхээ дараа зугтсан байна. Урьдчилсан байдлаар ээжийнх нь хамтран амьдрагч 34 настай Э нь хүүхдүүдийг нь гэртээ харж үлдэхдээ гурван настай Б-г зодсон байж болзошгүй нөхцөл байдал тогтоогджээ. Улмаар цагдаагийн байгууллагаас шуурхай эрэн сурвалжлах ажиллагаа явуулж холбогдогч Э-г баривчлан мөрдөн шалгах ажиллагааг үргэлжлүүлж байгаа аж.

Одоогоор гурван настай Б-гийн биеийн байдал хүнд, ухаангүй ороогүй байна.