Нийслэлийн Хан-Уул дүүргийн 11 дүгээр хороонд “Мерседес Бенз” маркийн тээврийн хэрэгслийн жолооч нь жолоодох эрх  дуусгавар болсон үедээ, согтууруулах ундаа хэрэглэж, тээврийн хэрэгсэл жолоодон зам тээврийн осол гаргаж, танхайрсан хэрэг өнгөрсөн оны есдүгээр сарын 1-2-нд шилжих шөнө гарсан. Танхайрсан этгээд Д гэгч нь жолоодох эрхгүйгээр, согтууруулах ундааны зүйл хэрэглэсэн үедээ жолоо барьж, зам тээврийн осол гаргаж, бусдын амар тайван байдлыг алдагдуулж, олон нийтийн газар бие засаж, “Сайдын хүүхэд байна” гэж танхайрсан хэргийг Хан-Уул дүүргийн Эрүүгийн хэргийн анхан шатны шүүхэд хэлэлцэж, Зөрчлийн тухай хуулийн 14.7 дугаар зүйл зааснаар Д-г 30 хоногийн хугацаатай баривчилсан.

                                          Мөн ЦЕГ-ын Хэвлэл мэдээллийн төвөөс “30 хоногийн хугацаанд саатуулагдаад байгаа Д нь “Сайдын хүүхэд” гэж худал хэлсэн нь тогтоогдсон” талаар мэдээллээ.