Хөгжмийн зохиолч Б.Долгион бусдад хутгалуулж, эмнэлэгт хүргэгдсэн гэх мэдээлэл бий. Энэ талаар ЦЕГ-ын хэвлэл мэдээллийн ажилтнаас тодрууллаа. Тэрбээр “Баянзүрх дүүргийн 16 дугаар хорооны нутаг дэвсгэрт оршин суудаг 67 настай Д гэгч бусдад хутгалууллаа" гэх мэдээлэл тус дүүргийн цагдаагийн газар бүртгэгдсэн байна. Дуудлагын дагуу хэргийн газарт шалгалтын ажиллагааг үргэлжлүүлж, хохирогчийг Цэргийн төв эмнэлэгт хүргэсэн байна. Тус хэргийг дээрх хаягт оршин суудаг 70 настай Б үйлдсэн нь шалгалтын явцад тогтоогдсон. Урьдчилсан байдлаар Б, Д нар нь согтууруулах ундааны зүйл хэрэглэсэн үедээ маргалдаж, Д-ны ахар сүүлний орчим нэг удаа хатгаж, зүүн гарыг нь нэг удаа зүсэж гэмтээсэн байна. Харин согтуурсан үедээ бусдын биед хүнд гэмтэл учруулсан Б-г эрүүлжүүлэн, саатуулсан" гэлээ.