Архангай аймгийн Өлзийт сумын Ямаат багийн Дуут хоолой гэх газарт зам, гүүрийн  ажилд оролцож байсан нэг хүн Орхон голын усанд живсэн тухай дуудлага наймдугаар 1-ний өдрийн 14:09 цагт хүлээн авсан.

    Тус аймгийн Онцгой байдлын газрын Эрэн хайх, аврах салбарын алба хаагчид, ар гэрийнхэн өчигдөр буюу наймдугаар сарын 2-ны өдрийн 06:00 цагаас 21:40 цаг хүртэл Өвөрхангай аймгийн Хархорин сумын харьяат иргэн 24 настай С-ийг эрэн хайх ажиллагааг зохион байгуулсан. Улмаар эрэн хайх ажиллагааг иргэний анх осолдсон Дуут толгой гэдэг газраас зүүн зүгт 15 км/т  Орхон голын усаар завиар урсаж, мөн 6 метрийн гүнд 26 удаа шумбалт хийн зохион байгуулж байгаа аж.