Хан-Уул дүүргийн нутаг дэвсгэрт байрлах “Хүннү-2222” хорооллын баруун талд баригдаж байсан барилгын кран унаж, хоёр хүн амиа алдсан хэрэг өнөөдөр гарсан. Тэгвэл талийгаачдын цогцсын яг одоо ШШҮХ-д авчирч, шинжилгээ хийж байна.

                    Уг хэргийн талаар ЦЕГ-ын Хэвлэл мэдээллийн төвийн дарга, хурандаа Б.Баатархүү “Хан-Уул дүүргийн 18 дугаар хороонд баригдаж байгаа байгууламж дээр ажиллаж байсан сунадаг авто кран унасан. Энэ тухай дуудлага өнөөдөр 12:52 цагт ирж, шалгалтын ажиллагааг явуулж байна. Бидэнд ирсэн мэдээллээр тус барилга дээр ажиллаж байсан 36 настай, эрэгтэй Х, 20 настай, эрэгтэй Б нар нас барсан. Хэргийг Хан-Уул дүүргийн цагдаагийн нэгдүгээр хэлтэс шалгаж байна" гэж мэдэгдсэн. Мөн тус барилгыг “Номин холдинг” ХХК-ийн захиалгаар барьж байсныг эх сурвалж мэдээлээд байна.