Хан-Уул дүүргийн 18 дугаар хороонд баригдаж байгаа барилгын кран унаж, хоёр хүн амиа алджээ. Тодруулбал, өнөөдрийн 13:00 цагийн орчимд “Хүннү-2222” хорооллын баруун талд баригдаж байгаа барилгын кран унаж, хоёр хүний амь эрсэдсэн хэрэг гарсан. Тэгвэл тус барилгыг “Номин холдинг" ХХК-ийн захиалгаар барьж байсныг эх сурвалж мэдээллээ.

                 Хэргийн талаар ЦЕГ-ын Хэвлэл мэдээллийн төвийн дарга, хурандаа Б.Баатархүү “Хан-Уул дүүргийн 18 дугаар хороонд баригдаж байгаа байгууламж дээр ажиллаж байсан сунадаг авто кран унасан. Энэ тухай дуудлага өнөөдөр 12:52 цагт ирж, шалгалтын ажиллагааг явуулж байна. Бидэнд ирсэн мэдээллээр тус барилга дээр ажиллаж байсан 36 настай, эрэгтэй Х, 20 настай, эрэгтэй Б нар нас барсан. Хэргийг Хан-Уул дүүргийн цагдаагийн нэгдүгээр хэлтэс шалгаж байна" гэж мэдэгдсэн юм.