"Эрдэнэт медипас" эмнэлгийг 2021 оны наймдугаар сард улсын эмнэлэг болгох тухай Шадар сайд С.Амарсайхан мэдээлж байсан. Тус эмнэлэг нь 120 гаруй эмч, ажилтантай, өдөрт 500 хүнд үйлчлэх хүчин чадалтай, дүрс оношилгоо, дуран, лаборатори, амбулатори, урьдчилан сэргийлэх үзлэг, яаралтай тусламж, эрчимт эмчилгээ, мэдээгүйжүүлэг, хэвтэн эмчлэх тасагтай, 120-130 тэрбумын өртөг бүхий том эмнэлэг аж. 

    Уг эмнэлгийн барилгыг “Эрдэнэт” үйлдвэрийн 69.9 тэрбумын хөрөнгөөр 2015 онд барьж дуусгасан байна. Гэтэл 2016 онд ямар ч үнэ төлбөргүйгээр 18 жилийн гэрээ байгуулж нэг хувийн компанид шилжүүлсэн байдаг. ХАрин өнөөдрийг хүртэл улс нэг ч төгрөг буцаан авч чадаагүй байна. Дээрээс нь “Эрдэнэт” үйлдвэрээс 2016-2020 он хүртэл 12.7 тэрбум төгрөг бэлнээр урьдчилан сэргийлэх үзлэг нэрээр авсан хэмээн шадар сайд ярьж байсан юм. “Эрдэнэт” үйлдвэрийн хөрөнгөөр барьсан “Эрдэнэт медипас” эмнэлгийг тус компанийн Ерөнхий захирал Ц.Даваацэрэн Я.Энхчулуун захиралтай “Медикал” ХХК-д шилжүүлж өгсөн байж болзошгүй аж. Гэтэл тус эмнэлгийг хүлээж авсан захирал Я.Энхчулуун гадаад руу зугтсан байна.