Өчигдөр нийслэлийн Баянгол дүүргийн XII дугаар хороо, Бичил хорооллын орон сууцны есөн давхар барилгын дээвэр дээрээс эрэгтэй хүн унасан тухай дуудлага онцгой байдлын албанд иржээ.

Уг дуудлагын дагуу Нийслэлийн Аврах ангийн алба хаагчид очиход тус байрны иргэн, 70 настай, эрэгтэй Э нь есөн давхрын цонхноос орцны хаалганы давцан дээр унаж нас барсан байжээ. Онцгой байдлын алба хаагчид цогцсыг буулгаж, тус дүүргийн Цагдаагийн I дүгээр хэлтэст шилжүүлэн өгсөн байна.