“Баянзүрх дүүргийн 14 дүгээр хорооны нутаг дэвсгэрт байрлах нэгэн байрны орцонд манай найзыг хүн хутгалаад зугтсан” гэх дуудлага мэдээлэл өчигдөр өглөөний буюу гуравдугаар сарын 28-ны 06:09 цагт цагдаагийн байгууллагад иржээ. Дуудлагын дагуу Баянзүрх дүүргийн цагдаагийн газар болон НЦУГ-ын жижүүрийн бүрэлдэхүүн хэргийн газар үзлэг хийж, 25 настай эрэгтэй Ү биедээ олон тооны хутганы шархтай амиа алдсан байсныг илрүүлсэн байна.

            Мөрдөн шалгах ажиллагаагаар гуравдугаар сарын 27-28-нд шилжих шөнө Баянзүрх дүүргийн 14 дүгээр хорооны нутаг дэвсгэрт байрлах байранд 23-31 насны хоёр эмэгтэй, гурван эмэгтэй согтууруулах ундааны зүйл хэтрүүлэн хэрэглэж, 30 настай эрэгтэй Т, Ү нар маргаж, нэгнийхээ аминд хүрсэн байж болзошгүй аж. Улмаар Баянзүрх дүүрэг дэх цагдаагийн газрын алба хаагчид тус хэргийг үйлдсэн байж болзошгүй Т-г өнөөдөр буюу гуравдугаар сарын 29-ний 04:30 цаг орчимд Чингэлтэй дүүргийн нутаг дэвсгэрээс дайчлан баривчилжээ.