Сураггүй болоод сар гаруйн хугацаанд цагдаагийн газраас эрэн сурвалжилж байсан эмэгтэйн цогцос Ар гүнтийн давааны модон дундаас олджээ.

Тодруулбал, нийслэлийн Сонгинохайрхан дүүргийн 21 дүгээр хороо, Ар гүнтийн давааны модон дунд “Эмэгтэй хүн боомилсон байдалтай нас барсан байна” гэх дуудлага цагдаагийн байгууллагад иржээ. Дуудлагын дагуу Сонгинохайрхан дүүргийн цагдаагийн хэлтсээс шалгалтын ажиллагаа зохион байгуулж, талийгаачийг өнгөрсөн хоёрдугаар сарын 8-ны өдөр гэрээсээ гарч яваад сураггүй болсныг тогтоосон байна. Одоогийн байдлаар тус хэргийг Сонгинохайрхан дүүрэг дэх цагдаагийн I хэлтсээс шалгаж байгаа юм.

            Мөн өнгөрсөн амралтын өдөр Ховд голоос настай эмэгтэй цогцос олдсон аж. Цагдаагийн байгууллагаас шалгалтын ажиллагаа зохион байгуулж, мөн сураггүй болоод эрэн сурвалжлагдаж байсан Жаргалант суманд оршин суух хаягтай 80 настай эмэгтэй болохыг тогтоожээ.