Цагдаагийн байгууллагад өнгөрсөн шөнө буюу гуравдугаар сарын 13-наас 14-нийг шилжих шөнө 01:11 цагт Баянзүрх дүүргийн 22 дугаар хорооны хорооны нутаг дэвсгэрт байрлах нэгэн караокед “Цээжиндээ хутгалуулсан ухаангүй хүн байна” гэх дуудлага иржээ. Дуудлагын дагуу Баянзүрх дүүрэг дэх цагдаагийн I хэлтэс шалгалтын ажиллагаа явуулж, 32 настай эрэгтэй Н нь цээжин тус газраа хутгалуулж, амиа алдсан болохыг тогтоосон байна.

Уг хэрэгт холбогдуулан 04:00 цагийн орчимд Баянзүрх дүүргийн VIII хорооны нутаг дэвсгэрээс сэжигтэн Г-г баривчилж, мөрдөн шалгаж байгаа аж.