Амралтын өдрөөрөө хайртай гэр бүлийнхэнтэйгээ сонирхолтой бас амттай хоол хийж идээрэй.

БИН хийх

Орц:

1. Гурил 500 гр

2. Кархмаль 3 хх

3. Давс 1/2 цх

Хийх арга:

Орцоо холиод 1/3 ийг нь буцлам халуун усаар, 2/3-ыг нь хүйтэн усаар зуураад халбагаар хутган зуураад хооронд нь нийлүүлэн эвлүүлэн нухаад ( Зураг дээрх шиг) 30 минут амраана. Дараа нь гурилаа 20 тэнцүү хэсэгт хуваагаад нэгэн жигд элдээд 10,10 ширхэгээр нь тослоод дээр дээрээс нь давхарлаад ахиад нимгэлэн элдэнэ (зураг дээрх шиг). 15 минут жигнээд 1,1 ээр нь салгаад таваглаарай.

Төмсний шанз

Орц:

1. Төмс 500 гр

2. Сонгино 1 ширхэг

3. Сармис

4. Давс амталгаагаар

5. хар перц

6. алимны цуу 1 хх

7. ургамлын тос 50 гр

Хийх арга:

Төмсөө арилган нарийн урт хэрчээд хүйтэн усаар угаагаарай. Буцалж буй халуун усанд 2-4 минутын турш буцалгаж чанаад шүүгээрэй. Төмс маань зажлууртай байх ба зөөлрүүлэхгүй. Дараа нь тосоо халаагаад сонгино сармисаа хийж шаргал болтол нь шараад дээр нь төмсөө хийж 3-5 минут хуураад давс, перц, алимны цуугаа хийгээд болоо.

Махан шанз

Орц:

1. Мах 500 гр

2. Сонгино

3. Сармис

4. Давс

5. Хар перц

6. соё соус 3 хх

7. Ургамлын тос 50 гр

8. Лууван, хар мөөг, бор мөөг зэргээс өөрийн хүссэн ногоогоо нэмээрэй.

Хийх арга:

Тосоо халаагаад сонгино сармисаа шаргал болтол хуураад дээр нь перц, соё соус, мах, сонгосон ногоогоо хийж хуураад өөрийн амталгаагаар давсаа тааруулаарай. Манай хүүхдүүд карри идэх дуртай болохоор энэ удаа хийхдээ түрмерк 1/2цх нэмж хийсэн.

За ингээд гэр бүлийнхэнтэйгээ хамт ширээ тойрон суугаад биндээ хүссэн зүйлээ ороогоод идэх л үлдлээ. Сайхан хооллоорой!