• Өнөөдөр 2024-03-29

Захиргааны хэргийн шүүх дээр сонгуультай холбоотой хоёр маргаан үүссэн

2020-10-13,   885

Нийслэл дэх Захиргааны хэргийн анхан шатны орон нутгийн сонгуультай холбоотой 13 нэхэмжлэл хүлээн авч, найман нэхэмжлэлийг хүлээн авахаас татгалзаж, гурван нэхэмжлэлд бүрдүүлбэр хангуулах хугацаа тогтоож, хоёр нэхэмжлэлд захиргааны хэрэг үүсгэсэн байна. захиргааны хэрэг үүсгэсэн хоёр хэргээс нэг хэргийг шийдвэрлэж, нэг хэрэг ажилгаанд байна.  
Д.Эрдэнэбат, Ц.Уугантуяа нарын нэхэмжлэлтэй хэргийн тухай
Ардчилсан намаас нэр дэвшигчээр бүртгэгдсэн Д.Эрдэнэбат, Ц.Уугантуяа нараас Чингилтэй дүүргийн сонгуулийн хороонд холбогдуулан гаргасан Чингилтэй дүүргийн сонгуулийн хорооны энэ оны есдүгээр сарын 21-ны өдрийн 16 дугаар тогтоолыг хүчингүй болгуулах шаардлага бүхий нэхэмжлэлийг шүүх энэ оны есдүгээр сарын 22-ны өдөр хүлээн авсан. 2020 оны есдүгээр сарын 23-ны өдөр шүүхээс захиргааны хэрэг үүсгэж, Чингилтэй дүүргийн хороог дуудсан. 
Чингилтэй дүүргийн сонгуулийн хорооны 2020 оны есдүгээр сарын 21-ний өдрийн 16 дугаар тогтоол: Ардчилсан намаас 15 дугаар тойрогт нэр дэвшигч Д.Эрдэнэбатад, 16 дугаар тойрогт нэр дэвшигч Ц.Уугантуяа нарыг нэр дэвшигчийн бүртгэлээс хасаж шийдвэрлэсэн тухай
2020 оны есдүгээр сарын 24-ний өдөр хариуцагч, шүүхэд хүрэлцэн ирж нэхэмжлэлийг хувийг гардан авч, 2020 оны есдүгээр сарын 29-ний өдөр хариу тайлбар ирүүлсэн бөгөөд шүүхээс энэ оны есдүгээр сарын 28-ний өдөр урьдчилсан хэлэлцүүлгийг хийсэн. 
Тус урьдчилсан хэлэлцүүлгээр нэхэмжлэгчээс гаргасан “Актын биелэлт түдгэлзүүлэх тухай” хүсэлтийг хангаж шийдвэрлэсэн бөгөөд шүүх хуралдааныг 2020 оны аравдугаар сарын 02-ны өдөр товолсон боловч хариуцагчийн итгэмжлэгдсэн төлөөлөгчөөс өмгөөлөгчтэй шүүх хуралдаанд оролцох хүсэлт гаргасны дагуу шүүх хуралдааныг хойшлуулж, 2020 оны аравдугаар сарын 5-ны өдөр товлосон. 
2020 оны аравдугаар сарынэ 5-ны өдрийн шүүх хуралдаанаар нэхэмжлэлийн шаардлагыг бүхэлд нь хангаж шийдвэрлэсэн. 
О.Бямбадэлгэрийн нэхэмжлэлийн хэргийн тухай

О.Бямбадэлгэрээс Нийслэлийн сонгуулийн хороонд холбогдуулан гаргасан П.Наранбаяр тэргүүтэй "ХҮН" намын Нийслэлийн нам-н хорооноос нэр дэвшүүлсэн нэр дэвшигчдийг бүртгэсэн нийслэлийн сонгуулийн хорооны 2020 есдүгээр сарын 16-ны өдрийн 21 дугаар тогтоолоор сонгуулийн хуулийн 6.1-т заасан тодорхой шаардлагыг хангаагүй байтал түүнийг харгалзан үзэлгүйгээр орон нутгийн сонгуульд өрсөлдөх эрхгүй намыг оролцуулахаар бүртгэсэн нь О. Бямбадэлгэр болон нийслэлийн намын хорооноос нэр дэвшсэн иргэдийн сонгогдох эрхэд ноцтойгоор халдан, зөрчиж байгаа тул илт хууль бус захиргааны акт болохыг тогтоолгож, хүчингүй болгуулах шаардлага бүхий нэхэмжлэлийг шүүх 2020 оны есдүгээр сарын 21-ний өдөр хүлээн авсан. 2020 оны есдүгээр сарын 22-ны өдөр захиргааны хэрэг үүсгэж, хариуцагч Нийслэлийн сонгуулийн хороог дуудсан. 

2020 оны аравдугаар сарын 5-ны өдөр дахин урьдчилсан хэлэлцүүлэг төвлөж , уг урьдчилсан хэлэлцүүлгээр өмнөх буюу есдүгээр сарын 29-ны өдөр хүсэлт шийдвэрлэсэн шүүгчийн захирамжийг хүчингүй болгож, нэхэмжлэгч талаас гаргасан хэрэг хянан шийдвэрлэх ажиллагааг түдгэлзүүлэх, нотлох баримт хэргийг хэрэгсэхгүй болгох тухай, нотлох баримт хасуулах тухай хүсэлтүүдийг хэрэгсэхгүй болгож шийдвэрлэсэн. Харин нэхэмжлэгч талаас гаргасан нотлох баримт гаргуулах тухай хүсэлтийг хангаж шийдвэрлэсэн. Улмаар өмнөх шүүгчийн захирамжийг хүчингүй болгосонтой холбоотойгоор ХҮН намаас нэр дэвшсэн нэр бүхий 27 нэр дэвшигчийг хэрэг хянан шийдвэрлэх ажиллагаанд гуравдагч этгээдээр татан оролцуулахаар шийдвэрлэсэн. Одоогоор нэр бүхий 27 нэр дэвшигчийн хэрэг хянан шийдвэрлэх ажиллагаанд гуравдагч этгээдээр татан оролцуулсантай холбоотойгоор нэхэмжлэллийн хувь гардуулах тайлбар авах ажиллагаа хийгдэж байна. 


Захиргааны хэргийн шүүх дээр сонгуультай холбоотой хоёр маргаан үүссэн
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188