Налайх, Багануур, Багахангай дүүрэг, Төв аймгийн нутаг дэвсгэрээс нийт 34 адуу хулгайлан, Хэнтий аймаг руу тууж, бэлчээр орчимд  таван тооны адууг нядлан зарж борлуулсан 35-45 насны эрхэлсэн тодорхой ажилгүй А, Б нарыг Нийслэлийн цагдаагийн удирдах газрын Мөрдөн шалгах газрын Хулгайлах гэмт хэрэгтэй тэмцэх хэлтсийн алба хаагчид шуурхай эрэн сурвалжлан олж тогтоосон байна.

  Хэргийн холбогдогч А нь урьд хулгайлах, танхайрах, хүнийг санаатай алах зэрэг гэмт хэрэг үйлдсэн гурван удаагийн ял шийтгэл эдэлж байсан, гэмт хэргийг хамтран үйлдсэн Б нь хүнийг санаатай алах, хулгайлах гэмт хэрэг үйлдсэн дөрвөн удаагийн ял шийтгэл хүлээсэн байна.