Сонгинохайрхан дүүргийн нэгдүгээр хороонд гаднын нөлөөтэй нас барсан байж болзошгүй цогцос олдсон тухай дуудлага цагдаагийн байгууллагад өнөөдөр иржээ.

            Энэ талаар ЦЕГ-ын Хэвлэл мэдээллийн төвийн ахлах мэргэжилтэн, цагдаагийн хошууч Б.Дэлгэрсайханаас тодрууллаа. Тэрбээр “Дуудлагын дагуу 05:00 цагийн үед Сонгинохайрхан дүүргийн нэгдүгээр хороо Нарангийн голын нутаг дэвсгэрт очиход дөрвөн залуу 40 настай таксины жолоочоо хутгалж, амыг нь хөнөөсөн байсан. Цагдаагийн байгууллагаас шуурхай ажиллагааг зохион байгуулж, 18-21 насны Э, Т, О, Т гэх дөрвөн залууг саатуулсан. Мөн хэргийн газраас тус иргэнийг хутгалсан байж болзошгүй хутгыг эд мөрийн баримт болгон хурааж авсан. Тус хэргийг харьяа дүүргийн цагдаагийн нэгдүгээр хэлтэст үргэлжлүүлэн шалгаж байгаа. Урьдчилсан байдлаар мөнгөө төлөхгүй шалтгаанаар хүний аминд хүрсэн байж болзошгүй нөхцөл байдал тогтоогдсон” гэв.