Өсөх идэр начин Э.Энхбатыг зодсон хэрэгт шалгагдаж буй Н.Түвшинбаярыг өнөөдрөөс цагдан хорьсон гэх мэдээлэл бий. Энэ талаар хохирогч Э.Энхбатын өмгөөлөгч О.Санчирбалаас тодрууллаа.

     Тэрбээр “Хан-Уул дүүргийн Эрүүгийн хэргийн анхан шатны шүүхээс хохирогчийн ар гэрийнхэн болон өмгөөлөгч миний хүсэлтийг хэлэлцэж, яллагдагч Н.Түвшинбаярыг тодорхойгүй хугацаагаар хорих шийдвэр гарсан. Н.Түвшинбаярт авсан таслан сэргийлэх арга хэмжээг өөрчилж, өнөөдрөөс цагдан хорьсон. Тус хэрэгтэй холбоотой урьдчилсан хэлэлцүүлэг энэ сарын 23-нд болно” гэлээ.