Дархан-Уул, Ховд, Сүхбаатар аймаг болон нийслэлийн Чингэлтэй дүүрэгт гал түймэр гарчээ. Тодруулбал, Дархан-Уул аймагт “Оргил” худалдааны төвийн хогийн цэг шатаж, тус аймгийн Онцгой байдлын газрын Гал түймэр унтраах, аврах ангийн албан хаагчид унтраажээ.

Мөн Ховд аймгийн Мөнххайрхан суманд таван ханатай гэр шатсан дуудлага, мэдээлэл тус аймгийн Онцгой байдлын газар ирсэн байна. 

Сүхбаатар аймгийн Сүхбаатар суманд хоёр давхар байшин шатсан дуудлага ирж, мөн тус аймгийн Онцгой байдлын Гал түймэр унтраах, аврах албан хаагчид унтраажээ. Харин Чингэлтэй дүүргийн 15 дугаар хороонд байшингийн дээвэр шатаж, тус дүүргийн Онцгой байдлын хэлтсийн Гал түймэр унтраах, аврах анги унтраасан байна.