Хил хамгаалах ерөнхий газрын харьяа Хилийн цэргийн 0146 дугаар ангийн офицер албан үүргээ гүйцэтгэж байхдаа амиа алджээ. Уг хэрэг Сүхбаатар аймгийн Эрдэнэцагаан сум дахь хилийн 0146 дугаар ангид өчигдөр буюу наймдугаар сарын 12-ны өдөр болсон байна.

Албан бус эх сурвалжийн мэдээлснээр Хилийн цэргийн 0146 дугаар ангийн офицер Э нь шинээр цэргийн албанд татагдсан байлдагч нарт газар нутгийн онцлог, нөхцөл байдлын талаар танилцуулж байхдаа цөөрмийн усанд унаж амиа алдсан аж. Бид уг хэргийн талаар эргэн мэдээлэх болно.