Нийслэлийн Баянзүрх дүүрэгт байрлах "Энэрэл" эмнэлгийн гадна 2021 оны долдугаар сарын 3-ны өдөр “Ковид-19” халдвараар өвдсөн иргэн эмнэлгийн тусламж авч чадалгүй нас барсан хэрэг гарсан. Тодруулбал, 35 настай, эрэгтэй Р нь шинжилгээний хариу нь эерэг гарч, гэртээ тусгаарлагдаж байгаад бие нь муудаж, эмнэлгийн тусламж авахаар очоод гадаа нь нас барсан юм.

Тэгвэл өнөөдөр талийгаачийн шүүх эмнэлгийн дүгнэлт гарч, “Хохирогч цар тахлын үеийн амьсгалын дутмагшилд орж нас барсан” гэж дүгнэсэн байна. Цагдаагийн байгууллагаас хэргийг шалгаж байгаа юм.