Хөвсгөл аймгийн Мөрөн сумын Урандөш багийн Дэлгэр мөрний эрэг дээр дөрвөн хүн зугаалж байгаад нэг нь живжээ. Тус аймгийн Онцгой байдлын газрын алба хаагчид тус сумын харьяат иргэн Д, 28 настай, эрэгтэйг  эрэн хайх ажиллагааг өчигдөр зохион байгуулжээ.

      Тус өдрийн байдлаар 06:00 цагаас тус сумын Өндөр-Эрэг гэдэг газраас Хилэнтийн гүүр гэдэг газар хүртэл 10 км-т завиар урсаж, 1-2.5 метрийн гүнд 15 удаа шумбасан боловч үр дүнд хүрээгүй байна. Тиймээс  өнөөдөр 06:00 цагт эрэн хайх ажиллагааг дахин эхлүүлсэн байна.