• Өнөөдөр 2024-03-29

Уруйн үерийн улмаас гурван том хүн, нэг хүүхэд амиа алджээ

2021-07-26,   328

    Говь-Алтай аймгийн Халиун сумын Гүүбариач багийн Ногоо булгийн гол гэдэг газарт долдугаар сарын 24-ний 15:10 цагаас 15:40 цагийн орчим орсон усархаг бороо орсны улмаас уруйн үер буужээ. Уруйн үерийн улмаас гурван том хүн, нэг хүүхэд, хоёр гэр, нэг автомашин үерийн усанд урссан байна. Энэ тухай дуудлагын дагуу тус аймгийн Онцгой байдлын газрын Эрэн хайх, аврах бүлэг, Цагдаагийн газрын алба хаагчид, ар гэрийнхэн эрэн хайх ажиллагааг зохион байгуулж, тухайн гэр бүлийн гишүүдийн цогцсыг олжээ. Тодруулбал, долдугаар сарын 24-ны 19:00 цагт тус сумын Гүү бариач багийн Ногоо булгийн гол гэдэг газраас Халиун сумын харьяат иргэн 20 настай, эмэгтэй З-ын, 20:30 цагт 58 настай, эмэгтэй Х-ийн, 21:00 цагт 62 настай, эрэгтэй С-ын, долдугаар сарын 25-ны 08:05 цагт Хар толгой гэдэг газраас долоон настай, эмэгтэй С-ын цогцсыг тус тус олж, Цагдаагийн байгууллагад шилжүүлэн өгчээ. Цогцсыг гэрээс урагш 1-9 километрийн зайнаас олсон байна.


Уруйн үерийн улмаас гурван том хүн, нэг хүүхэд амиа алджээ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188