Сэлэнгэ аймгийн Зүүнбүрэн сумын Бэлчир багийн Сүмийн булан гэдэг газар долдугаар сарын 4-нд тус аймгийн харьяат иргэн Д, Н нар “Экстрайл” загварын суудлын автомашинтай сураггүй болсон. Тэднийг Сэлэнгэ мөрөнд осолдсон байж болзошгүй хэмээн долдугаар сарын 9нд Цагдаагийн байгууллагад дуудлага өгсөн байдаг. Улмаар тус аймгийн Онцгой байдлын газрын Эрэн хайх, аврах анги, Үндэсний аврах бригадын Эрэн хайх, аврах салбарын алба хаагчид, ар гэрийн хүмүүс долдугаар сарын 9-18 хүртэл арван хоногийн хугацаанд эрэн хайж, үр дүнд хүрээгүй. Иймд ар гэрийнхэнтэй нь тохиролцож, эрлийг зогсоожээ.