Нийслэлийн Хан-Уул дүүргийн гуравдугаар хороо, “Монгол тамхи Со” ХХК-ийн урд Дунд голд "Хүний цогцос байна" гэсэн дуудлага долдугаар сарын 18-ны 10:44 цагт иржээ. Дуудлагын дагуу Нийслэлийн Аврах ангийн алба хаагчид 2.8 километр зам туулан 10:50 цагт Дундголд очиход нэр, хаяг, нас тодорхойгүй, нас бараад удсан эрэгтэй хүний цогцос олж, уснаас гаргажээ. Цогцсыг Хан-Уул дүүргийн Цагдаагийн нэгдүгээр хэлтсийн мөрдөгчид шилжүүлж өгсөн байна.