Бага түргэний хүрхрээн дээрээс ус руу унасан эрэгтэйг хайх эрлийн ажиллагааг ар гэрийнхэнтэй нь зөвшилцсөнөөр зогсоожээ.

Тодруулбал, Баян-Өлгий аймаг Цэнгэл сумын нутаг Бага түргэний хүрхрээн дээр энэ сарын 12-нд зугаалж байсан 12 хүний нэг болох Орхон аймгийн харьяат 35 настай эрэгтэй хаднаас халтирч 22 метр өндрөөс ус руу унасан юм. Талийгаачийн цогцсыг тус аймгийн Онцгой байдлын газрын Эрэн хайх, аврах бүлэг болон ар гэрийнхэн нь өчигдөр буюу энэ сарын 16-ныг хүртэл 30 километр газарт явганаар эрэн хайсан болов ч  үр дүнд хүрээгүй байна. Иймд эрэн хайх ажиллагааг ар гэрийнхэнтэй нь зөвшилцсөнөөр өчигдөр 16:00 цагт зогсоожээ.

                                                                                                            Н.АРИУНСАЙХАН