Эцэг, эхээсээ төөрсөн гурван настай охиныг хилийн бүсээс ОХУ-ын хилчид олжээ

2021-07-17, 3122

Дорнод аймгийн Баян-Уул сумын Өвөр-Эрээн багийн Ульхан суурин гэх газарт өчигдөр 25 хүн зугаалж байхад гурван настай, эмэгтэй Э тоглож байгаад сураггүй алга болжээ. Улмаар Цагдаагийн байгууллагад мөн өдрийн 15:30 цагт дуудлага өгсөн байна. Тус аймгийн Онцгой байдлын газрын Баян-Уул сум дахь Гал түймэр унтраах, аврах 53 дугаар анги, Цагдаагийн тасаг, Хилийн 0207 дугаар заставын алба хаагчид, орон нутгийн иргэд охиныг эрэн хайх ажиллагааг зохион байгуулжээ. Энэ үеэр ОХУ-ын Мангут хэсгийн Бүрэн эрхт төлөөлөгчийн газраас тус улсын хилчид хилийн 840 дүгээр тэмдэгт орчмоос охиныг эсэн мэнд олсон тухай мэдээллийг 20:00 цагт өгсөн байна. Мэдээллийн дагуу Хилийн 0207 дугаар заставын ерөнхий жижүүрээр ахлуулсан бүрэлдэхүүн хилийн бүсэд очиж, 23:00 цагт охиныг ар гэрийнхэнд нь хүлээлгэн өгчээ.

Эцэг, эхээсээ төөрсөн гурван настай охиныг хилийн бүсээс ОХУ-ын хилчид олжээ

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 3

Сэтгэгдэл үлдээсэн: 2021-07-17 17:09:09

Зочин: Эцэг эхчүүд хариулагатай байхад яанаа эсэн мэнд олсон нь ашгүй дээ
Сэтгэгдэл үлдээсэн: 2021-07-17 14:19:24

Setgegdel: Эцэг эхчүүд хүүхдээ хараа хяналттай байлгах хэрэгтэй байх. Эсэн мэнд олдсон нь болждээ. Хүүхдийн буян заяа түшиждээ
Сэтгэгдэл үлдээсэн: 2021-07-17 14:19:23

Setgegdel: Эцэг эхчүүд хүүхдээ хараа хяналттай байлгах хэрэгтэй байх. Эсэн мэнд олдсон нь болждээ. Хүүхдийн буян заяа түшиждээ

Шинэ мэдээ

Нийтлэлчид