Ховд аймгийн Манхан сумын Баянгол багийн “Сүүжийн хотгор” гэдэг газар урд шөнө 01:08 цагт “Соната 6” маркийн суудлын машиныг жолоодож явсан иргэн С, иргэн Ц-ийн жолоодож явсан “Камаз” маркийн ачааны автомашиныг зогсож байхад араас нь мөргөж, мөн “Приус 30” загварын автомашин жолоодож явсан иргэн О урдаас нь мөргөсний улмаас иргэн Л автомашины бүхээгт хавчуулагджээ. Дуудлагын дагуу тус аймгийн Онцгой байдлын газрын Манхан сум дахь Эрэн хайх, аврах бүлгийн алба хаагчид 22 настай, эрэгтэй Л-ийг автомашины бүхээгт хавчуулагдсан байсныг гаргаж, 32 настай, эрэгтэй Н, 41 настай, эмэгтэй Н нарын хамт сумын Эрүүл мэндийн төвд хүлээлгэн өгчээ.