Өмнөговь аймгийн Гурвантэс сумын Баясах багийн Гүдгэрийн сайраас “Жавхлант-Орд” ХХК-ийн нүүрсний уурхайн чиглэлд тус компанийн харуул 51 настай, эрэгтэй А нь мотоциклтой яваад сураггүй болсон. Иргэн А долдугаар сарын 8-ны 05:00 цагийн орчимд тус компанийн Хамгаалалтын албаны дарга Н-тай  “Мотоцикл эвдэрсэн, унаа явуулах боломж байна уу” гэж утсаар ярьснаас хойш сураггүй болсон байна. 

   Тус компанийн ажилчид долдугаар сарын 8-ны 09:00 цагаас эхлэн түүнийг эрэн хайх ажиллагааг зохион байгуулжээ. Эрэн хайх үеэр Гурвантэс сумаас зүүн хойд зүгт 12 километрээс мотоциклийг нь олсон байна. Өмнөговь аймгийн Онцгой байдлын газрын Гурвантэс сум дахь Гал түймэр, унтраах, аврах 67 дугаар ангийн алба хаагчид өнөөдөр 06:00 цагт эрэн хайх ажиллагааг эхлүүллээ.