Тээврийн цагдаагийн албанд өчигдөр ирсэн 307 дуудлага мэдээллийн 176 нь зам тээврийн ослын шинжтэй байжээ.

Ослын улмаас Нийслэлд зургаан хүн гэмтэж, нэг хүн нас баржээ. Харин орон нутагт хоёр хүн гэмтэж, нэг хүн нас барсан байна.

Тухайлбал, Нийслэлийн Хан-Уул дүүргийн Чингисийн өргөн чөлөө орчим мотоцикл автобустай мөргөлдсөн харамсалтай осол гарсан. Тус ослын үеэр мотоциклийн жолооч амиа алджээ. Мөн өдрийн 19:00 цагийн орчим Хан-Уул дүүрэг Наадамчдын гудамжны замд хоёр суудлын авто машин мөргөлдөж дөрвөн зорчигч гэмтсэн байна. Түүнчлэн Өвөрхангай аймгийн Арвайхээр суманд суудлын автомашин онхолдож, жолооч нь нас баржээ.

Үүнээс гадна согтууруулах ундаа хэрэглэсэн үедээ замын хөдөлгөөнд оролцсон 86 зөрчил бүртгэгдсэн байна.

Анхааруулга: Жолооч та замын хөдөлгөөнд оролцохдоо явган хүний гарцаар гарч байгаа явган зорчигчид зам тавьж өгөн хөдөлгөөнд соёлтой боловсон оролцож, зорчигч нарын хамгаалах бүсийг зүүлгэн хөдөлгөөнд оролцож ,бага насны хүүхдийг зориулалтын суудалд суулган хамгаалах бүсийг зүүлгэн харгалзах хүнтэй хөдөлгөөнд оролцуулж байх,

                Хөдөө орон нутгийн замд зорчихдоо жолооч зорчигч та бүхэн хамгаалах бүсийг бүслэн өөрийн болон бусдын аюулгүй байдлыг ханган хөдөлгөөнд оролцож, хурдыг тогтоосон хязгаараас хэтрүүлэхгүй хөдөлгөөнд оролцож байхыг Тээврийн цагдаагийн албанаас анхааруулж байна.

Эх сурвалж: ТЭЭВРИЙН ЦАГДААГИЙН АЛБА