Цагдаа болон дотоодын цэргийн байгууллагад 35 жил тасралтгүй ажиллаж, энэ жил Бригадын генерал цол хүртсэн Сийлэгийн Ганбатын гэрээс олон тооны галт зэвсэг олджээ

   Монгол Улсын Ерөнхийлөгч асан Х.Баттулгаас өнгөрсөн тавдугаар сарын 3-нд Бригадын генерал цол хүртсэн Дотоодын цэргийн штабын дарга Сийлэгийн Ганбатыг ТЕГ-аас дайчлан баривчилсан байна. Тодруулбал, түүнийг ШШГЕГ-ын харьяа Урьдчилан хорих 461 дүгээр хорих ангид цагдан хорьжээ.

Энэ талаар эх сурвалжууд “Гүйцэтгэх ажиллагааны хүрээнд олж авсан мэдээллийг хууль бусаар ашиглаж, бусдыг шантаажилдаг” хэмээн онцолсон. Тухайлбал, ТЕГ-ын баривчилгааны үеэр С.Ганбатын гэрээс олон тооны галт зэвсэг, их хэмжэний валют  хурааж авсан тухай эх сурвалжууд онцолж байна. Тодруулбал, тэрбээр гэртээ ойролцоогоор 500 мянган ам.доллар нууцаар хадгалж байжээ.

Ямартай ч хууль хяналтын байгууллага түүнийг Конторвант буюу зэвсгийн наймаатай холбоотой эсэхийг эцэслэн тогтоох юм.

Тэгвэл албан бус эх сурвалжийн мэдээлж буйгаар түүнийг галт зэвсэгийн наймаа эрхэлдэг байж болзошгүй гэнэ. Хууль бус үйл ажиллагааны дийлэнх нь тухайн салбарт ажиллаж буй эрх бүхий албан тушаалтнуудын ивээл дор явагддаг нь аль ч улс орны жишээнээс тод харагддаг. Ямартай ч хууль хяналтын байгууллага түүнийг Конторвант буюу зэвсгийн наймаатай холбоотой эсэхийг эцэслэн тогтоох юм.

СИЙЛЭГИЙН ГАНБАТ ГЭЖ ХЭН БЭ

Мэргэжил: Эрх зүйч, Цагдаагийн ажилтан мэргэжилтэй.

Боловрол:

1976-1986 онд Нийслэлийн 17 дугаар бүрэн дунд сургууль

1986-1991 онд НАХЯ-ны цэргийн дээд сургууль

2000-2001 онд Удирдлагын академи

Ажлын туршлага:

1990-1992 онд Эрүүгийн цагдаагийн газарт туслах төлөөлөгч

1992-2000 онд Хан-Уул дүүрэг дэх Цагдаагийн хэлтэст эрүүгийн төлөөлөгч

2000-2001 онд Хан-Уул дүүрэг дэх Цагдаагийн хэлтэст эрүүгийн ахлах төлөөлөгч

2001-2002 онд Эрүүгийн цагдаагийн газрын зохион байгуулалттай гэмт хэрэгтэй тэмцэх хэлтэст чиглэлийн ахлах төлөөлөгч

2002-2006 онд Эрүүгийн цагдаагийн газрын Зохион байгуулалттай гэмт хэрэгтэй тэмцэх хэлтэст Эрүүгийн тасгийн дарга

2006-2008 онд Эрүүгийн цагдаагийн газрын Зохион байгуулалттай гэмт хэрэгтэй тэмцэх хэлтсийн дарга, Эрүүгийн цагдаагийн газрын дэд дарга

2008-2012 онд Эрүүгийн цагдаагийн газрын дарга

2012-2017 онд БНХАУ-ын Засаг захиргааны онцгой бүс нутаг Хонконг дахь Консулын газарт зөвлөх

2017 оны есдүгэр сараас Дотоодын цэргийн штабын даргаар тус тус ажиллаж байна.