Дуучин Т.Дэлгэрмөрөнг 750 мянган төгрөгөөр торгохоор болжээ

2021-04-14, 1209

Дуучин Т.Дэлгэрмөрөн эхнэр Т.Анандатай маргалдаж буй бичлэгээ олон нийтийн сүлжээнд нийтэлсэн нь хүмүүсийн дургүйцлийг төрүүлж, хууль хяналтын байгууллагад хэрэг нь шилжсэн билээ. Энэ хэрэгт холбогдох шүүх хурал өнөөдөр Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхийн байранд боллоо.

Баянзүрх дүүргийн прокурорын газраас Т.Дэлгэрмөрөнд Зөрчлийн тухай хуулийн тусгай ангийн 5.4 дүгээр зүйлийн 4 дэх хэсгийн 4.1-д зааснаар /Гэр бүлийн хамаарал бүхий харилцаатай хүнийг зодсон/, мөн хуулийн 6.20 дугаар зүйлийн 7 дахь хэсэгт зааснаар /Хүүхдийн бие махбодод халдсан, эсхүл үл хайхарсан, эсхүл хүүхдийн дэргэд архидан согтуурсан, мансуурсан, хүчирхийлэл үйлдсэн/, Зөрчлийн тухай хуулийн тусгай ангийн 5.1 дүгээр зүйлийн 3 дахь хэсэгт зааснаар /Мансуурсан/ тус тус шийтгэл ногдуулахаар Баянзүрх дүүргийн Эрүүгийн хэргийн анхан шатны шүүхэд ирүүлээд байсан юм.

Шүүхээс Т.Дэлгэрмөрөн гэм буруутайд тооцож, 50 хоног баривчлах ял ногдуулж, 40 хоног албадан сургалтад хамруулахаар шийдвэрлэсэн байна. Гэвч 14 хүртэлх насны хүүхэдтэй ганц бие аав гэх хууль зүйн үндэслэлээр 50 хоног баривчлах ялыг нь 750 мянган төгрөгийн торгуулиар дүйцүүлэхээр болжээ.

Дуучин Т.Дэлгэрмөрөнг 750 мянган төгрөгөөр торгохоор болжээ

Шинэ мэдээ

Нийтлэлчид