Н.Номтойбаярын ялыг НЭГ жил болгож буурууллаа

Д. Чанцалдулам:
Эрэн сурвалжлах- Шүүхийн танхимаас

2021-01-22, 1630

Чингэлтэй дүүргийн Эрүүгийн хэргийн анхан шатны шүүх 2020 оны долдугаар сарын 7-ны өдөр УИХ-ын гишүүн асан Н.Номтойбаяр нарт холбогдох хэргийг хэлэлцээд түүнийг Хөдөлмөр нийгмийн хамгааллын сайдаар ажиллаж байхдаа эрх мэдэл, албан тушаалын байдлаа урвуулан ашигласан, худал мэдүүлэг өгсөн гэх үндэслэлээр шүүж, 5.5 жилийн хорих ял оноосон. Хэрэгт хамжигчаар оролцсон гэм буруутайд дараах хүмүүсийг тооцож 3-4 жилийн ял оноосон билээ. Тодруулбал, Б.Нямдаваад нийтийн албанд томилогдох эрхийг таван жил хүртэлх хугацаагаар хасаж, гурван жил хорих ял, Б.Шижиржаргалд нийтийн албанд томилогдох эрхийг таван жил хүртэлх хугацаагаар хасаж, дөрвөн жил хорих ял, Н.Баттөгст нийтийн албанд томилогдох эрхийг таван жил хүртэлх хугацаагаар хасаж, 10 сая төгрөгөөр торгож, ялыг гурван жилийн хугацаанд хэсэгчлэн төлөхөөр, Д.Батмөнх, Н.Ууганбаяр, М.Нямдэмбэрэл нарт нийтийн албанд томилогдох эрхийг таван жил хүртэлх хугацаагаар хасаж, 15 сая төгрөгөөр торгож, ялыг гурван жилийн хугацаанд хэсэгчлэн төлөх шийдвэр гаргасан байдаг.

Улмаар өнөөдөр Н.Номтойбаяр нарт холбогдох Эрүүгийн хэргийн давж заалдах шатны шүүх хуралдаан есдүгээр сарын 8-нд болж, шүүхээс анхан шатны шүүхийн шийтгэх тогтоолын заалтыг хэвээр үлдээж шийдвэрлэсэн. Ийнхүү Н.Номтойбаярын өмгөөлөгч шүүхийн шийдвэр албан бичгээр гарсны дараа Улсын дээд шүүхэд гомдол гаргасан. Тэгвэл УИХ-ын гишүүн асан Н.Номтойбаярт холбогдох хэргийн гурав дахь шатны шүүх хурал өнөөдөр Улсын Дээд шүүхэд боллоо. Шүүх хурлаар УИХ-ын гишүүн асан Н.Номтойбаярын ялыг буруулж, нэг жил болголоо. Мөн нийтийн албанд томилогдох эрхийг хоёр жилээр хасах шийдвэр гаргалаа. Одоо түүнд биеэр эдлэх дөрвөн сарын хугацаа үлдсэн ч тун удахгүй магадланд орж суллагдах нь тодорхой болжээ.

Н.Номтойбаярын ялыг НЭГ жил болгож буурууллаа

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 7

Сэтгэгдэл үлдээсэн: 2021-01-23 22:30:07

Батсуурь: Шудрага ёс ялах сайхан цаг ирж л байна даа
Сэтгэгдэл үлдээсэн: 2021-01-23 21:41:53

Цэрэнжаргал: Хэн нэгэн нь ч гэсэн тайван амьдрах хэрэгтэй болж байна
Сэтгэгдэл үлдээсэн: 2021-01-23 14:31:42

Иргэн : Дээд шүүхийн шүүгч нарын бөгсөнд нь олон оронтой тоотой мөнгө чихэж дээ.Угаасаа Нямтайшир эцэг нь наад муусайн нарынхаа бөгсөнд мөнгө чих гэж томордог гэсэн.
Сэтгэгдэл үлдээсэн: 2021-01-23 12:41:29

Б. Жамбал: Номт улстөрийн золиос болсон. Хүрэлсүхийн хийж байгаа ажил. Номт төрөөс илүү дутуу юм зулгаах хүн биш.
Сэтгэгдэл үлдээсэн: 2021-01-23 12:10:12

зочин: Хүнийг мөн ч хэлмэгдүүлэх юм даа
Сэтгэгдэл үлдээсэн: 2021-01-23 11:31:57

zochin: Mongoliin tord ooriinhooroo, ajildaa setgel gargaj ajillasan buruuddag tsag bolsoon. Mundag zaluu, mongoliin ard tumniihee toloo ihiig hiigeerei
Сэтгэгдэл үлдээсэн: 2021-01-23 09:59:29

А.Баттогтох: Үнэнд гүйцэтгэх нь энэ дээ. Тэмээн чинээн.харыг туулайн чинээн.хар яллаа .муур сахлаа идж муу гэгдэх нэр зүүсэн Номтойбаяр ил тод боллоо.

Шинэ мэдээ

Нийтлэлчид