• Өнөөдөр 2024-03-29

С.Баярцогтын ялыг таван жилээр хөнгөлж, С.Баярыг шүүж байна

2020-12-04,   1092

Сангийн сайд асан С.Баярцогт, Б.Бямбасайхан, Д.Ганболд нарт холбогдох хэрэг Баянзүрх, Сүхбаатар, Чингэлтэй дүүргийн Эрүүгийн хэргийн Анхан шатны шүүхэд өнгөрсөн долдугаар сард болсон.  Нийслэлийн прокурорын газраас С.Баяр, С.Баярцогт, Б.Ариунсан, Б.Бямбасайхан, Ч.Давааням, Б.Бадрал, Д.Ганболд нарт холбогдуулан яллах дүгнэлт үйлдэж, хэргийг шүүхэд шилжүүлсэн байдаг. Харин шүүхээс шүүгдэгч С.Баяр, Ч.Давааням нарын хэргийг тусгаарласан юм.

Анхны шатны шүүхээс С.Баярцогтод 10 жил хорих, нийтийн албанд томилогдох эрхийг таван жил хасах, гурван байрыг улсын орлого болгох, 1.6 тэрбум төгрөг хураах ял оноосон байдаг. Харин Б.Бямбасайхан, Д.Ганболд нарт нийтийн албанд томилогдох эрхийг тус бүр гурван жилээр хасч, дөрвөн жил хорих ял, Б.Ариунсан, Б.Бадрал нарт нийтийн албанд томилогдох эрхийг хоёр жил хасч, 1.6 жил хорих ял тус тус ногдуулсан.

Харин арванхоёрдугаар сарын 3-нд буюу өчигдөр С.Баярцогт нарын Давж заалдах шатны шүүх хурал боллоо. Шүүхээс Сангийн сайд асан С.Баярцогтын 10 жилийн ялыг 4.8 жил болгож хөнгөрүүлэх шийдвэр гарчээ. 

Хэргийн эргэн сануулбал, С.Баярцогтыг Сангийн сайд, ЗГХЭ газрын даргаар ажиллаж байхдаа албан тушаалын байдлаа урвуулан ашиглаж илт хууль бус шийдвэр гаргаж бусдад давуу байдал олгосон хэрэгт яллах дүгнэлт үйлдсэн юм.

Одоогийн байдлаар Ерөнхий сайд асан С.Баяр, Ч.Давааням нарт холбогдох хэргийн Давж заалдах шатны шүүх хурал үргэлжилж байна. 

 


С.Баярцогтын ялыг таван жилээр хөнгөлж, С.Баярыг шүүж байна
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 2
  • Сэтгэгдэл үлдээсэн: 2020-12-05 09:24:36
    Нэргүй: Хөрөнгийг нь хураахгүй юм бол ял өгөөд яах ч юм билээ
  • Сэтгэгдэл үлдээсэн: 2020-12-04 15:40:06
    түмэндэлгэр.Я: Шудрага биш байна. Энэ нэг хүнд ноогдох хохирол биш. Улс үндэстэнд хичнээн их хохирол учруулсан онцгой ялтай хэргийг ингэж яллахыг хүлээн зөвшөөрч чадахгүй байна. Энэ шүүх авилгал авснуу аль эсвэл араа бодоснуу. Яавч үл зөвшөөрнө.
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188