Нийслэлийн Чингэлтэй дүүргийн Эрүүгийн хэргийн анхан шатны шүүх танхимд өнгөрөгч долдугаар сард Ерөнхий сайд асан С.Баяр, “Петровис трейдинг” компанийн хувьцаа эзэмшигч Ч.Давааням нарыг шүүсэн билээ. Шүүхээс Ерөнхий сайд асан С.Баярт тав, Ч.Даваанямд хоёр жил хорих ял оноосон юм. Мөн С.Баяраас таван тэрбум 580 сая төгрөг, Ч.Даваанямаас таван тэрбум 766 сая төгрөгийн эд хөрөнгө хураан авч, улсын орлого болгох анхан шатны шүүхийн тогтоол гарсан. Харин ирэх арванхоёрдугаар сарын 1-нд буюу мягмар гарагт С.Баяр, Ч.Давааням нарын давж заалдах шатны шүүх хурал болох тов гарчээ.

Ташрамд дурдахад, С.Баяр шүүхийн шийдвэр гарсны дараа твиттер хуудастаа “Монгол жиргээний түмэн сайн сууж байгаарай. Санаандгүй гомдоосон байх аваас уучилна уу. Явах өдөр байхад ирэх өдөр ирнэ. Салах өдөр байхад учрах өдөр ирнэ” хэмээн жиргэж байсан билээ.