Согтуурсан үедээ байлдагчаа зодож, амийг нь хөнөөсөн Д.Гялбуужамцад 14 жилийн хорих ял оноолоо

2021-12-15, 782

Зэвсэгт хүчний 326 дугаар ангийн салаан захирагч Д.Гялбуужамц архидан согтуурсан үедээ хугацаат цэргийн алба хаагч, 19 настай Б-г зодож, амийг нь хөнөөсөн хэрэг энэ оны гуравдугаар сард гарсан. Тэгвэл Д.Гялбаажамцыг шүүх хурал өнөөдөр болж, түүнд 14 жилийн хорих ял оноолоо.

Тодруулбал, Хан-Уул дүүргийн Прокурорын газраас Зэвсэгт хүчний 326 дугаар ангийн салаан захирагч, дэслэгч Д.Гялбуужамцад холбогдуулан Эрүүгийн хуулийн тусгай ангийн 10.1 дүгээр зүйлийн 1 дэх хэсэгт зааснаар “Хүнийг алах”, 28.3 дугаар зүйлийн 1 дэх хэсэгт зааснаар “дарга захирагч нь захирагдагчдаа хүч хэрэглэх” гэмт хэрэгт яллах дүгнэлт үйлдэж ирүүлсэн эрүүгийн хэргийг Хан-Уул дүүргийн Эрүүгийн хэргийн анхан шатны шүүх хянан хэлэлцлээ.

Шүүхээс шүүгдэгчид Эрүүгийн хуулийн тусгай ангийн 28.3-1-д зааснаар ял сонсгож ирүүлсэнийг Өршөөлийн хуульд зааснаар хэрэгсэхгүй болгож, мөн хуулийн 10.1-1-д зааснаар “Хүнийг алах” гэмт хэрэгт гэм буруутайд тооцож, 14 жилийн хугацаагаар хорих ял шийтгэж, уг хорих ялыг нээлттэй хорих байгууллагад эдлүүлэхээр шийдвэрлэв.

Эх сурвалж: Баянгол, Хан-Уул, Сонгинохайрхан дүүргийн Эрүүгийн хэргийн анхан шатны шүүхийн тамгын газар

Согтуурсан үедээ байлдагчаа зодож, амийг нь хөнөөсөн Д.Гялбуужамцад 14 жилийн хорих ял оноолоо