Ид хийж бүтээх насан дээрээ байгаа залуус инээж, хөөрч байгаад л орой нь унтаад, эргэж сэрэлгүй хорвоогийн мөнх бусыг үзүүлдэг боллоо. 

            Зүрх, судасны эсвэл "тодорхойгүй" гэх үхлийн шалтгаантай талийгаачдаа коронавирусийн эсрэг вакцин, түүний сөрөг нөлөөнөөс болж нас барсан гэж "хардаж" байгаа ч хүн олон байна. Тэгвэл "тодорхойгүй" шалтгааны улмаас нас барсан талийгаачдын үхлийн шалтгааныг коронавирусийн эсрэг вакцинтай холбож болох хэд хэдэн үндэслэл байгааг гаднын эрдэмтэн, судлаачдын шинжилгээ, баримт дээр тулгуурлан хүргэе.

СУДАЛГАА: ИХ БРИТАНИД 12-29 НАСНЫ 3807 ХҮН "ТОДОРХОЙГҮЙ" ШАЛТГААНЫ УЛМААС НАС БАРСНЫ 39.7 ХУВЬ НЬ КОРОНАВИРУСИЙН ЭСРЭГ ВАКЦИН ТАРИУЛСАН БАЙЖЭЭ

"Nature Communications" шинжлэх ухааны сэтгүүлийн баг Их Британид коронавирусийн эсрэг вакцинжуулалт эхэлснээс хойш залуус зүрхний үйл ажиллагаатай холбоотой эсвэл тодорхойгүй шалтгааны улмаас нас барж байгаа асуудлын мөрөөр судалгаа хийжээ. Судалгаандаа коронавирусийн эсрэг "Pfizer-BioNTech"-ийн пфайзер, "Модерна"-гийн модерна вакцин тариулсан залуусыг хамруулсан бөгөөд вакцины сөрөг нөлөө, урвал 12-29 насныханд илүү нөлөөлж, зүрхний үйл ажиллагаа болон бусад шалтгаант үхлийн эрсдэлд хүргэж байж болзошгүйг тогтоосон байна.

                        Тодруулбал, Их Британид вакцинжуулалт эхэлсэн өдрөөс хойш буюу 2020 оны арванхоёрдугаар сарын 8-наас 2022 оны тавдугаар сарын 25-ны өдөр хүртэл тус улсад 12-29 насны 3807 хүн нас баржээ. Нас барагсдыг үхлийн шалтгаанаар ангилбал, 11.7 хувь буюу 444 нь зүрхний үйл ажиллагаатай холбоотой бол 39.7 хувь буву 1512 нь коронавирусийн эсрэг вакцинжуулалтад хамрагдсан байжээ.

БАРИМТ:1

Их Британийн Лондон хотод сэтгэл зүйчээр ажилладаг Стивен Райт гэх эр 2021 оны нэгдүгээр сард коронавирусийн эсрэг астразенека вакцины эхний тунд хамрагджээ. Гэтэл вакцинжуулалтад хамрагдсанаасаа 10 өдрийн дараа англи эрийн тархинд цусны бүлэгнэл үүссэний улмаас амиа алджээ. Харин талийгаачид вакцин тарьсан эмнэлгийн эмч үхлийн шалтгааныг нь "Зуурдаар" болгож өөрчлөх гэж байгаад хууль, хяналтынханд баригдсан бөгөөд холбогдох байгууллагаас хэргийг мөрдөж, "Вакцины сөрөг нөлөөнөөс үүдэлтэй" гэж үхлийн шалтгааныг нь ил болгосон байна.

БАРИМТ:2

Шинэ Зеландад 2022 оны 3-4 дүгээр сарын хугацаанд коронавирусийн эсрэг вакцинжуулалтад хамрагдсан дөрвөн хүн "тодорхойгүй" шалтгааны улмаас нас баржээ. Дөрвөн хүний үхлийн шалтгааны тогтоохоор ДЭМБ-ын "Ковид-19"-ийн вакцины аюулгүй байдлын бие даасан хяналтын зөвлөл шалгалтын ажиллагаа явуулж, нас барсан дөрвөн хүнд пфайзер вакцин сөрөг нөлөө үзүүлсэн болохыг тогтоосон. Тухайн үед вакцин нас баралтад ямар үүрэг гүйцэтгэж байгаа зэрэг нарийн мэргэшлийн судалгаа бүрэн хийгдээгүй байсан ч "Ковид-19"-ийн вакцины аюулгүй байдлын бие даасан хяналтын зөвлөл нас барагсдын үхлийн шалтгаан коронавирусийн эсрэг вакцинтай, вакцины сөрөг нөлөөтэй холбоотой болохыг зарлаж, нэмэлт шинжилгээ хийлгэсэн.

БАРИМТ:3

Мөн Шинэ Зеландад 26 настай эрэгтэй 2021оны наймдугаар сард пфайзер вакцины эхний тунд хамрагдаад 14 хоногийн дараа амьсгал хураасан. Эмнэлгийн байгууллагаас талийгаачийн үхлийн шалтгааныг коронавирусийн эсрэг вакцины сөрөг нөлөө болон зүрхний булчингийн ховор үрэвсэл гэж тогтоосон бөгөөд Шинэ Зеландын Эрүүл мэндийн байгууллагуудын зөвлөлөөс вакцинжуулалтад хамрагдаад нас барсан залуугийн хэрэгт хяналт, шалгалтын ажиллагаа зохион байгуулсан ч эмнэлгээс гаргасан үхлийн шалтгааныг өөрчлөөгүй байна.

СУДАЛГАА II: КОРОНАВИРУСИЙН ЭСРЭГ ВАКЦИН ТАРИУЛСАН ХҮМҮҮС НЭМЖ ӨВЧИН НАМДААГЧ ХЭРЭГЛЭВЭЛ СӨРӨГ НӨЛӨӨ НЬ ИХСЭЖ БАЙЖЭЭ

Анагаах ухааны "The Lancet" сэтгүүл коронавирусийн эсрэг вакцины сөрөг нөлөө, урвалын талаар судалгаа хийжээ.  Судалгаанд 2020 оны хоёрдугаар сарын 1-нээс 2021 оны арванхоёрдугаар сарын 31-ний хооронд коронавирусийн халдвар авч, эмнэлэгт хэвтэн эмчлүүлж байсан 98420 хүн, мөн энэ хугацаанд коронавирусийн улмаас амиа алдсан 22660 хүний өвчний түүхийг ашигласан байна. Нас барагсдын 55 нь коронавирусийн эсрэг вакцин тариулаад байсан бөгөөд судалгааны явцад талийгаачдын эмчилгээнд антибиотик ашиглаж байгааг тогтоожээ. Улмаар "The Lancet"-ийн шинжээчдийн баг коронавирусийн вакцинжуулалтад хамрагдсан хүн түүн дээрээ нэмж, өөр антибиотик буюу өвчин намдаагч хэрэглэвэл вакцины сөрөг нөлөө ихсэж, хүндэрч байгааг тогтоосон байна.

БАРИМТ:4

Өнгөрсөн намар буюу 2022 оны арваннэгдүгээр сард 42 настай Такеда гэх япон эмэгтэй коронавирусийн эсрэг пфайзер вакцин тариулжээ. Гэтэл вакцин тариулснаасаа хйш долоон минутын дараа бие нь муудаж, 15 минутын дараа гэхэд амьсгал нь зогссон байжээ. Вакцин тариулсан эмэгтэйн гэнэт үхлийг Японы Эрүүл мэндийн яамны "Коронавирусийн эсрэг вакцинтай холбоотой байж болзошгүй" гэж мэдээлээд олон хоногийн үргэлжилсэн шалгалтын ажиллагаа явуулсан байна. Эцэстээ талийгаачийг коронавирусийн эсрэг вакцины сөрөг нөлөөний улмаас амиа алдсан гэж дүгнэжээ.

БАРИМТ:5

2021 оны зургадугаар сарын 18-нд Сингапурт амьдардаг Бангладешийн иргэн Ражиб коронавирусийн эсрэг модерна вакцины эхний тунд хамрагджээ. Гэсэн ч вакцинжуулалтад хамрагдсанаасаа хойш 21 хоногийн дараа "зүрхний үрэвсэл" гэх шалтгааны улмаас амьсгал хураасан бөгөөд Сингапурын Эрүүл мэндийн зөвлөлөөс шалгалт хийж, коронавирусийн эсрэг вакцины сөрөг нөлөөтэй холбоотой гэх дүгнэлт гаргасан байдаг.

БАРИМТ:6

Мөн Сингапурт 2021 оны арванхоёрдугаар сарын 12-нд коронавирусийн эсрэг пфайзер вакцины хоёр дахь тунд хамрагдсан Онтал Шарлин гэх эмэгтэй вакцин тариулснаасаа дөрвөн хоногийн дараа нас барсан байна. Эмэгтэйн үхлийн шалтгааныг дээр дурдсантай ижил буюу "зүрхний үрэвсэл" гэж үзсэн.  Гэсэн ч талийгаачийн цогцост шүүх шинжилгээ хийсэн эмч нь коронавирусийн эсрэг вакцины сөрөг нөлөөтэй холбоотой байх магадлалтай гэж мэдэгдсэн ч "зуурдаар" гэсэн үхлийн шалтгаан бичсэн байна.

-ЕВРОПТ КОРОНАВИРУСИЙН ЭСРЭГ ВАКЦИНЖУУЛАЛТАД ХАМРАГДСАН 11 МЯНГАН ХҮН НАС БАРЖЭЭ-

Европын Эмийн агентлаг энэ оны дөрөвдүгээр сарын 13-нд гаргасан шинэ мэдээллээрээ Европт коронавирусийн эсрэг вакцинжуулалтад хамрагдсан 11448 хүн нас бараад байгаа талаар мэдээлсэн. Дэлгэрүүлбэл,

• пфайзер вакцин тариулсан 8368
• астразенека вакцин тариулсан 1579
• модерна вакцин тариулсан 1161
• жансен вакцин тариулсан 339
• нуваксовид вакцин тариулсан нэг хүн амиа алдаад байгаа юм байна.