Улаанбаатар хотод 09:15 цагт мэдргэгдсэн газар хөдлөлтийн талаар Одон орон, геофизикийн хүрээлэнгээс тодрууллаа. Одон орон, геофизикийн хүрээлэнгийн Газар хөдлөлт, судалгааны эрдэм шинжилгээний ажилтан А.Мөнхсайхан “Сэлэнгэ аймгийн Ерөө сумаас урагш 49 километрт 5.2 магнитудын хүчтэй газар хөдлөлт болсон. Үүний чичирхийлэл Улаанбаатар хотод мэдрэгдсэн” гэлээ.

  Ташрамд дурдахад, Хөвсгөл аймгийн Ханх сумын Хороо багийн Адуун гэдэг газар долдугаар сарын 20-ны 12:00 цагт 3.8 магнитуд хүчтэй газар хөдлөлт болсон. Мөн Бүрэнтогтох сумын Тээл багийн Ялбаганат гэдэг газар мөн өдрийн 17:00 цагт 3.5 магнитудын хүчтэй газар хөдөлсөн. Газар хөдлөлтийн үеэр иргэдэд чичирхийлэл мэдрэгдээгүй бөгөөд ямар нэгэн хохирол учраагүй.