• Өнөөдөр 2024-03-29

СҮХБААТАР ДҮҮРГИЙНХЭН АХМАДУУДАД 1.3 ТЭРБУМ ТӨГРӨГӨӨР ЕЭВЭН, БУДАА, ГУРИЛ, ЭМЭГТЭЙЧҮҮДЭД 900 САЯ ТӨГРӨГӨӨР ГАРЫН БЭЛЭГ ТАРААНА

2023-01-30,   1601

      Сүхбаатар дүүргийн Засаг дарга Х.Болормаагийн захиалгаар ЗДТГ-ын дарга Н.Энхболд ахмадуудад гарын бэлэг тараах ажилдаа ханцуй шамлан оржээ. Шуудхан хэлэхэд, сонгуулийн бэлтгэл ажил эхэлсэн байна гэсэн үг л дээ. Х.Болормаа 1.3 тэрбум төгрөгөөр ахмадууд гурил, будаа, цагаан сарын тавгийн идээний еэвэн худалдан авч, гарын бэлэг болгон тараах гэнэ.

        Тодруулбал, Сүхбаатар дүүргийн худалдан авах ажиллагааны албанаас ахмадууд цагаан сараар тараах гарын бэлэгний тендер зарлажээ. Уг тендерийг 1.3 тэрбум төгрөгийн төсөвтэй байхаар зарласан аж. Тендерийг хялбаршуулсан журмаар зохион байгуулж, арванхоёрдугаар сарын 22-ноос 30 хоногийн хугацаатай үнийн санал хүлээн авч, компаниудыг шалгаруулсан байна. Тендерийн нээлттэй мэдээллийн сангаас харвал, Сүхбаатар дүүргийн ЗДТГ-т ногдуулсан улсын төсвийн урсгал зардалаар гарын бэлэг авах гэнэ.

 

358 САЯ ТӨГРӨГӨӨР СУУРЬ ЕЭВЭН ХУДАЛДАН АВНА

        Сүхбаатар дүүргийнхний ахмадууддаа хүндэтгэл үзүүлж тараах гарын бэлгийг задалж үзвэл 358 сая төгрөгөөр суурь еэвэн авахаар болжээ. Суурь еэвэнгийн тендерт “Өгөөж чихэр боов” ХХК шалгарчээ. Угтаа “Өгөөж чихэр боов” ХХК-аас өөр үнийн санал ирүүлсэн компани байхгүй учир ногоон гэрлээр шалгарсан бололтой.  Мөн ташрамд дурдахад, Сүхбаатар дүүргийн худалдан авах ажиллагааны албанаас суурь еэвэнгийн тогтоосон дээд үнэ нь 358 сая төгрөг. “Өгөөж чихэр боов” ХХК-ийн санал болгож ирүүлсэн нь үнэ нь мөн л 358 сая төгрөг аж.

555 САЯ ТӨГРӨГӨӨР ЦАГААН БУДАА АВЧ, АХМАДУУДАД ТАРААНА

        Харин Сүхбаатар дүүргийн худалдан авах ажиллагааны албанаас цагаан будаа авах тдээд үнэ нь 554.900.000 төгрөг хэмээн тогтоож, тендер зарлажээ. Уг тендерт хоёр компани оролцсон байна. Тодруулбал, “Грийн импекс” ХХК, “Ситимарт” ХХК үнийн санал явуулжээ. Тендерт  “Грийн импекс” ХХК шалгарч, ахмадуудад тараах гарын бэлгэнд цагаан будаа нийлүүлэхээр болсон аж.

Хачирхалтай нь, “Грийн импекс” ХХК-ийн ирүүлсэн үнийн санал нь 554.900.000 төгрөг. Харин “Ситимарт” ХХК-ийн ирүүлсэн үнийн санал нь 483.300.000 төгрөг аж. Угтаа бол “Ситимарт” ХХК Сүхбаатар дүүргийнхний тогтоосон буюу төсөвлөсөн үнэнээс нь 70 гаруй сая төгрөгөөр хямд үнийг санал болгожээ. Гэсэн ч Сүхбаатар дүүргийнхэн “Грийн импекс” ХХК-ийг сонгож, 555 сая төгрөгөөр цагаан будаа худалдан авахаар болсон байна.

430 САЯ ТӨГРӨГӨӨР ДЭЭД ГУРИЛ АВАХААР БОЛЖЭЭ

                 Сүхбаатар дүүргийн Засаг дарга Х.Болормаагийн ахмадуудад хүндэтгэл үзүүлэхдээ тараах гарын бэлгэнд дээд гурил багтана. Дээд гурил худалдан авах тендерт “Ситимарт” ХХК 429.600.000 төгрөгийy санал ирүүлж, ялжээ.

            Тендер зохион байгуулах ажиллагаа нэгдүгээр сарын 23-нд буюу өнгөрсөн долоо хоногт дууссан. Өөрөөр хэлбэл, төсвийн 1.3 тэрбум төгрөг еэвэн, гурил, будаа болоод хоёр компанийн агуулахад “хэвтэж” байгаа гэсэн үг. Харин Засаг дарга Х.Болормаа ЗДТГ-ын дарга Н.Энхболдоо дагуулаад айлуудаар тарааж, хүндэтгэл үзүүлэх л үлдээд байгаа юм.

Х.БОЛОРМАА ЭМЭГТЭЙЧҮҮДИЙН БАЯРААР 900 САЯ ТӨГРӨГИЙН ГАРЫН БЭЛЭГ ТАРААХ ТЕНДЕР ЗАРЛАЖЭЭ

       Х.Болормаагийн төсвийн мөнгөөр гурил, будаа, еэвэн авах ажил ингээд зогсохгүй. Дээрх бол ахмадуудад хүндэтгэл үзүүлэхдээ тараах эхний бэлэг нь гэнэ. Үүнийг бататгах ажил нь эмэгтэйчүүдийн баяраар гарын бэлэг тараахаар зэхэж, тендер зарласан явдал юм. Тэрбээр 900 сая төгрөгөөр гарын бэлэг авч, дүүргийнхээ эмэгтэйчүүдэд тараахаар зэхжээ.

Тодруулбал, Олон улсын эмэгтэйчүүдийн өдрийг тохиолдуулан дүүргийн алдарт эхийн одонтой эхчүүдэд хүндэтгэл үзүүлэх арга хэмжээнд зориулан бэлгийн багц худалдан авах ажлын нээлттэй тендерийг нэгдүгээр сарын 13-нд зарласан баримт нь байна. Тендерт оролцох компаниуд хоёрдугаар сарын 13 хүртэл үнийн саналаа илгээх бөгөөд одоогийн байдлаар хэдэн компани оролцоод байгаа нь тодорхойгүй байгаа аж.

Үндсэндээ, Сүхбаатар дүүрэгт төсөвлөсөн 2.2 тэрбум төгрөг гарын бэлэгт зарцуулагдахаар болжээ. 

 


СҮХБААТАР ДҮҮРГИЙНХЭН АХМАДУУДАД 1.3 ТЭРБУМ ТӨГРӨГӨӨР ЕЭВЭН, БУДАА, ГУРИЛ, ЭМЭГТЭЙЧҮҮДЭД 900 САЯ ТӨГРӨГӨӨР ГАРЫН БЭЛЭГ ТАРААНА
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 8
  • Сэтгэгдэл үлдээсэн: 2023-02-08 20:43:49
    2- Хорооны иргэн: 1А байрны зүүн талд доороо 70 машины гараажтай, дээрээ хүүхэд залуучуудын тоглоом сагсны талбайтай, амрах саравч, турник, бялдаржуулах төхөххоөмжүүдтэй "цогцолбор гараж" энэ хавраас байгуулжөгөхийг 129 өрх шаардаж байна!!!!!!!!!
  • Сэтгэгдэл үлдээсэн: 2023-02-01 18:26:02
    Zochin: Bvx axmaduudad ogdoggvi shvv zarimda ni ogogvi bdg ene bol mongo idex arga
  • Сэтгэгдэл үлдээсэн: 2023-02-01 00:14:22
    зочин: АТГ шалгах хэрэгтэй авилага шүү тендер худлаа 10-20 хувийг авч байгаа ер ь тендер гэж тмйм болсон шүү дээ дүүргүүд ЗАА ны зарим газар ийм болоод удаж байгаа
  • Сэтгэгдэл үлдээсэн: 2023-01-30 19:28:30
    zochin : ene Bolormaa gedeg shunaliin tulam avgaig shalgadag gazar ni shalgamaar bnaa ih yum garna daa estoi jinhene horchin avilgachin asuudaltai avgai shuu dee
  • Сэтгэгдэл үлдээсэн: 2023-01-30 16:13:12
    Ene odo: Suhbaatar duurgiin shuugchded bugded ni 2021 ond hahyyliin shagnal uramshuulal taraaj bsn barimt bii dee. Yagaachgu ungursun avligchin avgai
  • Сэтгэгдэл үлдээсэн: 2023-01-30 11:00:51
    zochin: Munguu nemee yadaj 100-200 terbum baival zugeer baina. aav eej shigee ahmaduudaas haramlaad yahav.
  • Сэтгэгдэл үлдээсэн: 2023-01-30 10:31:43
    Зочин: Новшнууд юм аа. Одоо яах вэ эд нарыг. Төр гэж бна уу Монголд
  • Сэтгэгдэл үлдээсэн: 2023-01-30 09:17:29
    Иргэн: Энэ юу болж байнаа. Засгийн газар нь бүсээ чангалж хэмнэлтийн горимд шилжих шийдвэр гаргаад баяр нтр тэмдэглэхгүй гэсэн байхад Засаг дарга нь ийм тендэр зарлаад байж байх юм. Үүнийг таслан зогсоож, Засаг дарга Болормааг огцоруулах хангалттай үндэслэл байна гэж үзэж байна.
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188